თბილისის უძრავ ქონებაში ინვესტიცია

რატომ არის თბილისის უძრავ ქონებაში ინვესტიცია მომგებიანი

თბილისის უძრავ ქონებაში დაბანდება ნიშნავს არჩევანის გაკეთებას იმ ქვეყნის ეკონომიკურ დედაქალაქზე, რომელიც მსოფლიოში მხოლოდ ახლა ხდება პოპულარული. ის არა მხოლოდ თავისი კოლორიტით და გასაოცარი პეიზაჟებით, არამედ ეკონომიკური ზრდის საკმაოდ სოლიდური მაჩვენებლებით გამოირჩევა (2020 პროგნოზი +5%), რაც ქალაქს უცხოური კომპანიებისთვის და ინვესტორებისთვის მიმზიდველს ხდის. მეორე მიზეზი, რის გამოც თბილისი ინვესტირებისთვის საუკეთესოა ქართულ ქალაქებს შორის - უძრავ ქონებაზე მაღალი მოთხოვნაა. საქართველოს მოსახლეობის ერთი მესამედი ცხოვრობს თბილისში, რაც დაახლოებით 1,300,000 ადამიანია. თბილისის ისტორიულ უბნებში, საბინაო ფონდი წარმოადგენს ტრადიციული იტალიური ეზოებისა და XIX საუკუნის შენობების ნაზავს. იგი სწრაფად ახლდება და განიცდის მოდერნიზებას ისტორიული მემკვიდრეობის შენარჩუნების პოლიტიკისა და მთავრობის მხრიდან საგადასახადო შეღავათების გამო. ეს ხდის ამ უბნებს განსაკუთრებულად მიმზიდველს კაფეების, ბარების, მაღაზიების გასახსნელად ვარგის კომერციულ ფართებში ინვესტირების მსურველებისთვის. მეორე მხრივ, ქალაქში აქტიურად მიმდინარეობს საცხოვრებელი სახლებისა და სასტუმროების მშენებლობა, რომელშიც ინვესტირების შემთხვევაში არენდით წლიური 10-15%, ხოლო შეძენიდან 3-5 წელიწადში გაყიდვით 40%-მდე მოგების მიღება არის შესაძლებელი. თბილისში უძრავი ქონების ყიდვა მომგებიანია იმ უპირატესობათა გამო, რომელთა მიღებაც შეუძლია ინვესტორს:

• თბილისში ბინადრობის უფლების მიღება.

  35,000 დოლარზე მეტი ღირებულების უძრავი ქონების შეძენა ქმნის ბინადრობის უფლების მიღების წინაპირობას.

• სწრაფი უკუგება

  იაფი საცხოვრებელი ფართები თბილისში თანხის 3-5 წელიწადში ამოღების საშუალებას იძლევა, კომერციული - 2-3 წელიწადში, ცენტრიდან დაშორების მიხედვით.

• დაბალი ფასები

  კვადრატული მეტრის ფასი თბილისის მშენებარე ობიექტებზე გაცილებით უფრო დაბალია, ვიდრე ევროპის სხვა დედაქალაქებში და დაახლოებით $650 შეადგენს.

• კარგი ბიზნეს-კლიმატი

  თბილისში ბიზნესის დაწყება ან უძრავ ქონებაზე გარიგების გაფორმება ძალიან მარტივია - ფორმალობების მინიმუმისა და კორუფციის არარსებობის გამო.

• საიმედო და უსაფრთხო

  უძრავი ქონების შეძენისას ინვესტორი ხელშეკრულებას იუსტიციის სახლში აფორმებს და შეუძლია იყოს დარწმუნებული, რომ მისი საკუთრების უფლება საიმედოდ არის დაცული.

• დისტანციური გარიგება

  საქართველოს კანონმდებლობით დაშვებულია უძრავი ქონების შესაძენად ხელშეკრულების დადება დისტანციურად უშუალოდ დეველოპერთან ან აგენტთან შუამავლების გარეშე.

• დაბალი გადასახადები

  საქართველოში უძრავი ქონების გადასახადს არ იხდიან უცხოელები, თუ ისინი არ არიან დარეგისტრირებულნი, როგორც გადასახადების გადამხდელები.

• კარგი ინფრასტრუქტურა

  თბილისში არის ყველაფერი კომფორტული ცხოვრების, ტურიზმისა და ბიზნესის წარმოებისთვის, სრულყოფილი სოციალური ინფრასტრუქტურა სკოლების, საბავშვო ბაღების, უნივერსიტეტების და სხვა მრავალის ჩათვლით.